نرجو الإنتباه إلى أنه لن تتمكن من إضافة مشاركات أو مواضيع جديدة على المنتدى، كما نلفت انتباهك إلى إمكانية المشاركة بالآراء والتواصل مع بقية الأعضاء عبر المعالي الإجتماعية


عرض النتائج 1 إلى 2 من 2

الموضوع: اربع حوادث بشهر xD.. .!!

  1. #1
    الصورة الرمزية ولد المطيويع
    تاريخ التسجيل
    05-02-2010
    المشاركات
    292
    معدل تقييم المستوى
    9

    افتراضي اربع حوادث بشهر xD.. .!!

    سلامنَ عليكم

    كيفكم وكيف السواقه
    مواضيع مغبره قلت خلونا ننشط القسم بكم قصه قميله
    كان يامكان في يوم من الايام في الرياض في السويدي كنت هناك في شقة خالي
    قرر الخال الوسيم ان نذهب لنتعارك مع دجاجة على الفحم
    ولكن من الحماس اصبحت مضغوط مع الزمن
    ونحن في طريق العوده اخبرني هذا الكائن المسمى(خالي)
    (سواقتك بريال بتصقع بتجيب العيد)
    لان سواقتي كانت مبنيه على التشطيف بداية سواقه طيش شباب

    بمرور الايام كلامه اصبح يخمس في راسي
    انتقلت الى الشرقيه لكي اكمل دراستي هناك
    اليوم الاول
    كنت ذاهب الى مطعم الشاورما اخذت الطلب وكان كلام خالي يخمس براسي
    يقالي يوم اخذت طلب باكل وانا اسوق وبسقط بعد,جيت بسقط في مديور الله يهدي الي قدامي كع كع البريك ووقتها كنت ساتناول لقمتي في شاورما
    وحدثت المصيبه وقعتها
    عاد وقتها الموتر اجار صني 2013 كانت سرعه 0 وانخسف ام الموتر
    وماشاء الله المصقوع اينوفا ماشاء الله خدش ماصار له وانا شمعه تكسرت وحالتي حاله
    بس سليمه الحمدلله

    الثاني نكمله بعدين
    الصلاة قامت

  2. #2
    الصورة الرمزية ولد المطيويع
    تاريخ التسجيل
    05-02-2010
    المشاركات
    292
    معدل تقييم المستوى
    9

    افتراضي رد: اربع حوادث بشهر xD.. .!!

    ايه باتس

    المهم الحادث الثاني كان ضياع مفتاح في انصاف الليالي حق السياره
    يعتبر حادث من التشويت الي جاني

    الحادث الثالث
    جاك ياطويل العمر ذاك اليوم الي قبل الاختبارات النهائيه بكم يوم قلت بطلع الكورنيش وبوقف هناك وبذاكر
    رحت وصلت قلت خلني اروح اتغدى وانا راجع مريت وكان جمبي ستاربوكس لاحظت هناك غزل
    قلت حيا ومافي مخافه من الله زقت معي
    اتصل ع 999 الو دوريات في غزل وتحرش وكذا وكذا وكذا عند ستار بوكس<<نكبه تايم
    وارجع ركض للغدى واركن السياره باقرب زاويه ودق بالخمس
    واطلع وارجع الكورنيش
    يوم رحت شوي يشطح جيب من الرصيف وراه كدلك وراه موستينج وراه بورش وراه واتر لليل
    قلت انا وش سالفه شوي اطالع 3 بنات راكبين تكسي المشكله خايسات<<من النظره الاولى
    شوي قلت وانا اخو نوره
    والحقهم
    وادق ع دوريات ويرد علي واحد قلت يا اخي توني مبلغ ع ستار بوكس محد جاء الحين تجمع قدامي على سيارة تكسي فيها بنات والشباب من حولي (في تلك الاثناء طلعت سواقة اهل الرياض ولحم في تكسي )
    رد علي قال دقيقه بحولك ع واحد قلت اوك رد ع الثاني قال عطني لوحة موتر واحد قلت ياخي في فوق 15 موتر وش اقول وش اخلي قال عطني واحد قلت وش اعطيك 15 موتر؟؟
    شوي عطاني احمر
    انا هنا
    شوي واكمل تلحيم قلت مافي يعني مافي مافي موتر بيوقف مكاني الشعب قعد يكبس لي والي طلع يصارخ وهنا انا مرجوج معاند لا انا الي اغازل ولا الي فايدهم ولا الي مخرب عليهم
    شوي ع بالي بيروح سيده بيكمل لجعت الدوار كانك راجع للراكه وكذا
    شوي ديور الرجال رجع وانا كملت سيده بالغلط
    قلت صدقني لا ارجع ادعس واكمل اديور وارجع قلت يارب القاهم يارب القاهم
    واحصلهم وادق ع دوريات ياولد وش فيكم وش بلاكم وينكم فيه وكذا قال وينك انت قلت انا رجعت جمب ستار بوكس ونزلوا من تكسي ركبوا انوفا
    قال اوك وسكر
    شوي تحركوا ووقفوا عند الاشاره واخذوا يسار
    وارجع مع تمرينات الرياض وسواقتهم لاني قدها توني راجع منها قدرت ارجع واخذ مكاني بالغصب وبالمحاد وبالسقط وسكرت الجهه الي على اليسار بس قدروا يدخلون منها
    متصدر كلمني
    شوي مدري كيف بس مسكنا طريق الخبر الدمام
    انا هنا انخرشت واتصل ع دوريات
    قلت يا هو وينكم وش بلاكم سحبتوا
    عطيته موقعي قال خلاص بنحولك الحين ع واحد وتواصل معه وبتجيك سريه وراك
    قلت انا كفوو قرب وقت حولني ع واحد ورد علي
    قلت له سالفه قال وين موقعك قلت له طريق الدمام الخبر قال الدمام الخبر؟؟؟!
    قال هذي سريات دوريات القطيف
    قلت انا :ها
    اييييييه اجل القطيف
    قلت يعطيك العافيه
    واسكر
    قلت خلاص الحين اتصرف انا بنفسي سوبر مشاري يطلع
    واروح وادعس وامسك اليسار غصب واروح جمب السواق وقدنا وصلنا للدمام
    وافتح الدريشه
    اطلع ع يسار اطلع ع يسار من المفرق ذاك
    سواق قده زاقه معه قال ايس في
    قلت اطلع انا من الدوريات اخلص
    الدوريات الثانيه الحين جايه اخلص يالله اقولك
    شفته لف واطلع انا قبله الف شوي نهاية لفه عكس وكمل ع كبري
    انا هنا اررررتفع ضغطي
    واروح للاشاره الي قدامي واضغط فلشر وبواري للي قدامي واقف عند الاشاره ع اساس اني مستعجل
    وحمدلله الي قدامي فيه خير وخر وقده في دوريه عند الاشاره واوقف عندها
    واكلمه طبعا رجال ما انتبه اني قطعت الاشاره ولا شيء
    واعطيه الزبده قال ودي اخدمه بس في امير جاي لازم انظم طريق زي ما انت داري
    قلت ايييييه امير اجل ايييه اوك شسوي بعد واركب سياره وقدها واصله
    قلت صدقني لا اجيبهم وجي ادعس شوي الاقي زحمه قدامي واخخف ويجي واحد ويلف علي
    (هنا الحادث )
    يوم لف علي واطالعه واخز فيه شوي الي قدامي ما انتبهت له ويكع ام ام الريك وانا اطلع قدامي شوي و دوردوبوج طخطخ <<صوت الحادث
    وانزل وينزل الي قدامي معه نفس الانوفا الي كانوا فيها البنات وهندي بس مو هو
    شفت ماصار له شيء وقدها زاقه معي قلت ها خلاص يالله روح مع سلامه
    قال لا شوي
    ويجي عسكري ويطالع قال يالله حركوا امير بيجي لاتعطلون طريق قلت حمدلله جت من الله
    ركبت سياره قلت اقول ابو البنات ابوهم وابو الي يفكر يساعدهم المشكله ان البنات كانوا مستانسين

    ولله ماغبني الا البنات كانوا مستانسين وكانوا يصورون لهدرجه راح الحياء لهدرجه وصلوا في البنات كذا
    الله يستر في الخطوبه بس
    وخلصت القصه xD

إحصائيات الموضوع

Users Browsing this Thread

يوجد حالياً 1 يشاهدون هذا الموضوع. (0 أعضاء و 1 ضيوف)

مواقع النشر (المفضلة)

مواقع النشر (المفضلة)

تعليمات المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
مساحة خاصة